Испания шарқидаги Каталония мухторияти парламенти Испанияни исломофобияда айбловчи резолюцияни қабул қилди.
Парламент Каталониянинг Реус шаҳридаги Мусулмон жамияти президенти Муҳаммад Саид Бадавийнинг кеча "радикаллаштирувчи ибораларни ишлата бошлагани" иддаоси ила ҳибсга олиниши ва Марокашга юборилиши талаби "миллий хавфсизликка таҳдид солган", деб муносабат билдирган.
Парламент томонидан қабул қилинган резолюция матнида Бадавийнинг ҳибсга олингани ва Барселонадаги полиция бўлимига ҳеч қандай далилсиз олиб борилгани билдирилди.
Шунингдек, Каталония ҳукумати раислиги "Бадавийнинг ҳуқуқларини таъминлаш учун барча маъмурий, ҳуқуқий ва дипломатик воситаларни сафарбар этиши" маълум қилинган.
Қарийб 30 йилдан бери Каталонияда яшаётган ва бу ерда туғилган 3 нафар фарзанди бор Бадавий билан содир бўлган воқеанинг “Испания давлатининг зулмкор сиёсати ва исломофобия натижаси” эканлиги таъкидланган қарорда, судя қарор қиладиган депортация жараёни "ноқонуний равишда амалга оширилган".
Бадавий август ойида бўлиб ўтган матбуот анжуманида Испания фуқаролигини олиш учун ариза топширгандан сўнг “сиёсий фаолиятда қатнашиш, ижтимоий тармоқларда фаоллик кўрсатиш ва радикаллашув”да айбланганини, бироқ қўлларида бунга ҳеч қандай далил йўқлигини айтганди.
