Жазоир президенти Абдулмажид Теббун қўшни Марокаш билан муносабатлар «қайтиб бўлмайдиган нуқта»га етганини айтди, деб хабар бермоқда Анадолу агентлиги.
«Биз Жазоир ва Марокаш ўртасидаги муносабатлар орқага қайтмайдиган нуқтага етганидан афсусдамиз, Жазоирнинг позицияси реакция бўлди», деган Теббун сешанба куни кечқурун Al Jazeera телеканалига.
2021 йил август ойида Жазоир Рабатни душманлик муносабатларида айблаб, Марокаш билан дипломатик алоқаларини узди, бу айблов Марокаш ҳукумати томонидан рад этилди.
Франция билан дипломатик инқироз ҳақида гапирар экан, Теббун Париж билан муносабатлар сусайганини айтган, бироқ Жазоир элчиси бир неча ҳафта олдин маслаҳатлашувга чақирилганидан кейин яқин кунларда Парижга қайтишини тасдиқлади.
Испания билан бўлган вазият ҳақида Жазоир президенти янги Испания ҳукуматининг Ғарбий Саҳрои Кабирдаги можаро бўйича позицияси «индивидуал ва Санчес ҳукумати томонидан нохолис» эканлигини айтган.
2022 йил март ойида Жазоир Испаниянинг Марокашнинг ўзини ўзи бошқариш ҳақидаги таклифини қўллаб-қувватлашига норозилик билдириш учун ўз элчисини Испаниядан чақириб олган эди.
Жазоир Ғарбий Саҳрои Кабирнинг мустақиллигини қўллаб-қувватлайди ва бу масала Марокаш ва Жазоир ўртасида йиллар давомида чуқур кескинликка сабаб бўлди.
