Жазоир аҳолисининг норозилиги Франция президенти Эммануэл Макроннинг ушбу мамлакат халқидан мустамлакачилик учун кечирим сўрашдан бош тортгани сабаб бўлди.

Жазоир раҳбари Абдулмажид Таббуннинг сўзларига кўра, у кўплаб ватандошлари сингари 130 йиллик мустамлакачилик даври учун Макрондан кечирим сўрашини кутган. Чунки у мустамлакачиликни “инсоният учун жиноят” дея гапирган ягона европалик сиёсатчидир”,  деб ёзади “Новые Известия” нашри.

Шу билан бирга, Жазоир Франциядан суд ишлари ва полиция тергови материалларини оммага ошкор қилишни, шунингдек, мустамлакачилик даврида бедарак йўқолган ватандошлар ҳақида маълумот беришни талаб қилган.

Франциянинг бундай позициясига жавобан Жазоир ҳукуматига Европага газ қувурлари етказиб бериш бўйича музокаралардан чиқиш ниятида эканлигини билдирди.

Аввалроқ Макрон 1957 йилда Жазоир миллий озодлик урушида математик Морис Оден ва адвокат Али Бумангелнинг ўлдирилиши каби баъзи жиноятлар учун Франция масъул эканини “қисман" тан олганди.

"Менимча кечириш сўрашнинг ҳожати йўқ. Бу иш билан барча алоқаларни бузиши мумкин. Бундай вазиятда энг ёмони "кечирим сўраймиз" дейиш ва кейин ҳамма ўз йўлидан кетиши”, деди Макрон жазоирлик ёзувчи Камол Довудга берган интервюсида.