Исроилнинг Ғазо секторига 9 май, сешанба кунидан бери давом этаётган ҳаво ҳужумлари қурбонлари сони 31 нафарга етди, деб хабар бермоқда жума куни Фаластин Соғлиқни сақлаш вазирлиги.
Вазирликнинг қайд этишича, қамалдаги Фаластин анклавида ҳалок бўлганлар орасида олти нафар бола ва уч аёл ҳам бор. 93 фаластинлик, жумладан 32 бола ва 17 аёл яраланган.
Исроил ҳарбий-ҳаво кучлари 9 май, сешанба кунидан бери Ғазо секторига ҳаво ҳужумларини амалга оширмоқда.
Бундан ташқари, жума куни эрталаб яна бир ҳаво ҳужуми натижасида турар-жой биноси бутунлай вайрон бўлган.
Фаластин гуруҳлари, ўз навбатида, Исроил ҳудудига ракета ҳужумлари билан жавоб бермоқда.
Фаластин гуруҳлари ва Исроил ўртасида ўт очишни тўхтатиш бўйича музокаралар ҳозирча муваффақиятсизликка учрамоқда.
