Журналист аскар томонидан ўлдирилгани эътироф этилишига қарамай, ҳеч бир аскарнинг хатти-ҳаракати юзасидан тергов бошланмайди, чунки «жиноят содир этилганига шубҳа бор».

Фаластинлик америкалик журналист Ширин Абу Оқила исроиллик аскар томонидан ўлдирилган “бўлиши мумкин”, деб тан олди Исроил армияси.

Армия аввалроқ Абу Оқила, гарчи мустақил текширувлар унинг Жениндаги исроиллик босқинчи кучларининг «қасддан нишони» бўлганини кўрсатган бўлсада, “фаластинликлар томонидан ўлдирилган” деб даъво қилган эди,.

Исроил армияси бугун тан олинганига қарамай, Абу Оқила фаластинликлар ўқидан ҳалок бўлган бўлиши мумкинлигини инкор эта олмаслигини таъкидламоқда, бироқ унинг ўлимига исроиллик аскар масъул бўлганлиги эҳтимоли каттароқ. Ал-Жазира журналистининг ўлдирилишида бирор аскар тергов қилинмайди, чунки «жиноий ҳаракат бўлганига шубҳа бор», деган Исроил Бош прокуратураси.

Абу Оқиланинг ўлими бўйича Исроил терговига кўра, фаластинликлар ёнида турган журналистни исроиллик аскар рақиблар сафида деб ўйлаб, оптик мўлжалга олиш воситаси орқали унга қарата ўқ узган”.

Haaretz хабарига кўра, “Унга қарата ким ўқ узганини аниқ аниқлашнинг иложи йўқ”, — деган Исроил армиясининг юқори мартабали амалдори.

Исроил аскарлари 11 май куни Абу Оқилани Женин қочқинлар лагерига босқинчи армия ҳужумини ёритиб юрган вақтида ўлдирган. 51 ёшли аёл аниқ «PRESS» ёзуви бўлган ўқ ўтказмайдиган жилет кийган ва каска кийган бўлсада, исроиллик снайпер унга ўқ узган. Уни қутқармоқчи бўлган ҳамкасблари ҳам ўққа тутилган.

Унинг дафн маросимида тобутни кўтариб кетаётган одамлар ҳам Шарқий Қуддус орқали ўтаётган пайтда Исроил полицияси томонидан калтакланган.