Татаристон масжидларида ёзги таътилда болалар учун маънавий-маърифий ва соғломлаштириш курслари ташкил этилади, деб хабар бермоқда Республика мусулмонлари диний бошқармаси сайти.
Мактаб ўқувчилари одоб-ахлоқ, Қуръон ва ислом асослари бўйича дарслар билан бир қаторда маърифий ва кўнгилочар тадбирларда ҳам қатнашишлари мумкин. Улар учун викториналар, мусобақалар ва бошқа тадбирлар Татаристондаги ўнлаб масжидларда ўтказилади, улардан еттитаси Қозон шаҳрида, 80 дан ортиғи республиканинг бошқа туманларида жойлашган.
Болаларни ёзги таътилда кутиб оладиган масжидларнинг тўлиқ рўйхатини диний идора эълон қилган бўлиб, телефон рақамлари орқали қизиққан фуқароларга тафсилотлар маълум қилинади.
