Индонезиянинг Шарқий Ява вилоятидаги Семеру вулқонининг отилиши натижасида камида 13 киши ҳалок бўлди, 7 киши бедарак йўқолган деб ҳисобланмоқда.
Вулқон шанба куни отила бошлаган, атрофдаги аҳоли пунктлари тутун ва кул булутлари билан қопланган.
Вулқон отилиши натижасида 98 киши жароҳат олган, уларнинг аксарияти куйиш жароҳатлари билан даволанмоқда.
Юзлаб киши хавфсиз ҳудудларга эвакуация қилинди. Офат пайтида шахтада қолиб кетган 10 нафар кончи қутқарилди.
