Дунёдаги таниқли ишбилармон Илон Маскнинг SpaceX компаниясига тегишли 40 та сунъий йўлдош кучли геомагнит бўрони сабабли ишдан чиқди.

Дастлабки таҳлилларга кўра, геомагнит бўрони юзага келиши оқибатида ер тортишиш кучининг ортиши сабабли уларнинг хавфсизлик тизими ишдан чиқиб, орбита бўйлаб ҳаракатланишига тўсқинлик қилган. Энди ушбу сунъий йўлдошлар ер атмосферасига қайтиб киради.

Шунингдек, ушбу вазият ер аҳолиси учун ҳеч қандай хавф туғдирмаслиги таъкидланган. Қайд этилишича, SpaceX сунъий йўлдошлари ер атмосферасига қайта кириши билан ўз-ўзини йўқ қилишга дастурлаштирилган.

Эслатиб ўтамиз, ишдан чиққан мазкур сунъий йўлдошлар ўтган ҳафта Starlink лойиҳаси доирасида бутун ер аҳолисини бепул интернет билан таъминлаш мақсадида орбитага чиқарилган эди.