Айни дамда Коррупцияга қарши курашиш соҳасида миллий ва халқаро миқёсда муҳим аҳамиятга эга бўлган мазкур форум бўлиб ўтмоқда.
Унда АҚШ, Корея, Гонконг, Малайзия, Латвия, Озарбайжон, давлатларининг коррупцияга қарши курашиш бўйича идора вакиллари, шунингдек, хорижий экспертлар, дипломатик корпус ва халқаро ташкилотлар, 100 дан ортиқ вазирлик ва идоралар, фуқаролик жамияти институтлари, оммавий ахборот воситалари вакиллари иштирок этмоқда.
Форум ўз ишини ялпи мажлис билан бошлади, шундан сўнг жамиятда коррупцияга нисбатан муросасиз муносабатни шакллантириш, давлат органлари ва ташкилотлари фаолиятининг очиқлигини таъминлаш ҳамда коррупциявий хавф-хатарларни баҳолаш, коррупцияга қарши курашишда таълим ва маърифатни кучайтириш механизмлари муҳокамаларига бағишланган учта сессияда ўзаро мулоқотлар давом эттирилади.
