Саудия Арабистони душанба куни Covid -19 билан курашиш учун жорий этилган уч йиллик зиёрат чекловларидан сўнг 2023 йилда Ҳаж зиёратини адо этиши мумкин бўлган зиёратчилар сонига чеклов қўйилмаслигини эълон қилди.

Ҳаж ва умра вазири Тавфиқ ар-Робиа Риёзда журналистларга ҳозиргача бўлган 65 ёшгача бўлган чекловларга ишора қилиб, ҳаж «пандемиядан олдинги ҳеч қандай ёш чекловларисиз ҳолатга қайтади», деган.

Имкони бор мусулмонлар умрларида камида бир марта қилишлари шарт бўлган Ҳаж ибодати Исломнинг бешинчи устуни бўлиб, шу йилнинг июнь ойида бўлиб ўтиши керак.

2019 йилда ҳажда 2,5 миллионга яқин одам иштирок этди, аммо кейинги йилларда Covid -19 пандемияси бошлангани сабабли уларнинг сони чекланган эди. 

2020 йилда атиги 1000 нафар саудиялик ҳаж амалларини бажарган бўлса, 2021 йилда бу кўрсаткич 60 минг зиёратчига етказилди.

2022 йилда салкам 900 минг зиёратчи, жумладан, 780 минг нафар хорижлик Ислом динининг энг муқаддас қадамжолари Макка ва Мадинага ташриф буюрди. Ташриф буюрувчилар Covid -19 га қарши эмланишлари ва салбий тест топширишлари керак эди. 

2022 йил октябрь ойида саудиялик аёлларга маҳрамсиз Ҳаж ва Умра зиёратларига боришга рухсат бериш бўйича қарор қабул қилинди.