“Ҳаж – 2023” мавсумини кўтаринки кайфиятда якунлаган зиёратчиларимиз жорий йил 4-22 июль кунлари юртимизга қайтиб келади.  Бу ҳақда Ўзбекистон мусулмонлари идораси матбуот хизмати хабар бермоқда.

“Юртдошларимиз Жидда шаҳридан Ўзбекистоннинг 10 та ҳудуди – Тошкент, Наманган, Фарғона, Қарши, Термиз, Самарқанд, Бухоро, Навоий, Урганч ва Нукус сари парвоз қилиб, қайтиб келадилар.  

“Ҳаж – 2023” тадбирининг узлуксиз ва тартибли ўтказилишида “Uzbekistan Airways” акциядорлик жамиятидан малакали учувчи ва борткузатувчилари жалб этилган. Ҳожиларимизга ҳаво саҳнида турли таом ва ичимликлар тақдим этилади”, дейилади хабарда.

Диний идора шунингдек, ҳожиларни кутиб олувчилар, уларнинг оила аъзолари ва яқинларига муҳим огоҳлантириш билан мурожаат қилди:

“Юртдошларимиз пойтахтимиздаги "Новза" масжидидан тартибли равишда Тошкент халқаро аэропортига кузатилган эди. Ҳожиларимизни кутиб олиш жараёнини ҳам рисоладагидек, чиройли тартибда ташкил этиш мақсадида, айнан, шу масжидда кутиб олинишини маълум қиламиз!
Кутиб олувчилардан аэропортга чиқиб, ортиқча овора бўлмасликни, қолаверса, аэропорт ҳудудида тирбандлик ҳосил қилмасликни сўраб қоламиз!", дейилади Ўзбекистон мусулмонлари идораси хабарида.