Бугун, 14 июль куни соат 21:10 да Жидда-Тошкент йўналишида Ўзбекистонга қайтувчи биринчи авиарейс Тошкент халқаро аэропортига етиб келади. Унда Тошкент шаҳрининг 1-, 2-, 3-, 4-гуруҳ зиёратчилари она-Ватанга қайтадилар. Бу ҳақда Ўзбекистон мусулмонлари идораси хабар бермоқда.

Диний идора рейсларнинг келиш муддатлари ҳақида хабар беришдан ташқари, ҳожиларни кутиб олувчиларга ҳам мурожаат билан чиқди. Ҳожиларни кутиб олгани келадиганлар аэропортга эмас, “Новза” масжидига келишлари керак. 

 “Кутиб олувчилар диққатига! 

Ҳожиларни уйларига кузатиш Тошкент шаҳридаги “Новза” масжидидан амалга оширилади. 

Махсус автобуслар зиёратчиларни Тошкент халқаро аэропортидан “Новза” масжидига етказади.

Эслатиб ўтамиз, эртага 15 июль куни соат 21:10 да Жидда-Тошкент йўналишида Ўзбекистонга қайтувчи 2-авиарейс Тошкент халқаро аэропортига етиб келади. Унда Тошкент шаҳрининг 5, 6, 7, 8-гуруҳ зиёратчилари она-Ватанга қайтадилар.

Аллоҳ таоло юртдошларимизнинг ҳажини мабрур қилиб, эсон-омон юртимизга келишини насиб айласин!” дейилади Диний идора хабарида.