Хитой Давлат кенгаши Covid-19 чора-тадбирларини амалга оширишда эпидемиядан ҳимоя қилиш ва назорат механизми бўйича янги ёндашувларни эълон қилди.

Уларга кўра, Covid-19 аломатлари йўқ ёки енгил кечаётган беморлар ва улар билан яқин алоқада бўлганлар уйда карантинда қолишлари мумкин. Янги дастурга мувофиқ, вирус таҳлили мусбат натижа берганларни уйда 7 кун ва улар билан яқин алоқада бўлганларни 5 кун давомида иҳоталаш кифоя қилади. 

Пойтахт Пекинда ва Гуанжоу каби бошқа йирик шаҳарларда ўтган ҳафтада амалга оширилган чора Хитойнинг эпидемияга қарши қатъий кураш тадбирларида сезиларли ўзгариш юз берганини англатади.  

Бундан ташқари, мамлакатда кундалик ҳаётнинг бир қисмига айланган, саёҳат ва жамоат жойларида соғлиқни сақлаш кодекси ва тест натижаларини кўрсатиш мажбурияти олиб ташланади. Энди улар фақат шифохона, мактаб ва қариялар уйларига киришда қўлланилади. 

Жамоавий тест дастуридан воз кечиш ПЦР тестлари ўрнига тезкор диагностик антиген тестларидан фойдаланишга қаратилган. ПЦР тестлари фақат хавф гуруҳидаги юқори хавфли ҳудудлар ва секторларда ишлайдиганлар учун талаб қилиниши мумкин, бошқалар учун эса бу талабга амал қилиш ихтиёрий. 

Юқори хавфли зонани баҳолаш фақат махсус қарор асосида амалга оширилиши мумкин, турар-жой мажмуалари, маҳаллалар ва ҳудудларни тўлиқ карантин қилиш мумкин эмас.

Эслатиб ўтамиз, 24 ноябрда Хитойнинг Урумчи шаҳрида карантинга олинган хонадонда содир бўлган ёнғиндан сўнг, кўплаб шаҳарларда Covid-19 чораларига норозилик намойишлари бўлиб ўтганди. 

Намойишлардан сўнг Хитой маъмурияти "нол ҳолат" деб аталган эпидемиянинг олдини олиш ва назорат чораларини  юмшатишга киришди.