Ғарбий Соҳилда Исроил қўшинлари билан тўқнашувда камида уч фаластинлик ҳалок бўлди, ўнлаб кишилар яраланди.
Фаластин Соғлиқни сақлаш вазирлиги маълумотларига кўра, Исроил армияси Наблуснинг Эски шаҳари яқинида маҳаллий аҳолининг уйларидан бирига бостириб кирган пайтда тўқнашув содир бўлган.
WAFA ахборот агентлиги, шунингдек, Исроилнинг Рамаллаҳ шаҳридан шимоли-ғарбий томонда ўтказган навбатдаги операцияси натижасида тўққиз киши ўқдан яралангани ва бир неча ўнлаб кишилар кўздан ёш оқизувчи газдан заҳарлангани ҳақида хабар беради.
3 май куни кечқурун Исроил ҳарбийлари Бейт-Рима қишлоғида террорчиликда гумон қилинганларни қўлга олиш операциясини бошлади. Улар маҳаллий аҳолининг уйларидан бирини ўраб олишди, шундан сўнг тўқнашувлар келиб чиқди. Исроилликлар шахсий автомобилга ўт қўйиб, бир қанча оилаларнинг мулкига зарар етказган. Тўқнашувлар эрталаб яқин атрофдаги Наби Солиҳ қишлоғида давом этган, натижада камида уч араб отиб ўлдирилган.
