Франиянинг Бове шаҳридаги жоме масжид ҳали очилмай туриб ёпилди, дея хабар бермоқда “Евроньюс”.

Масжиднинг ёпилишига имомнинг ваъзи сабаб бўлган. Франция Ички ишлар вазирлигининг билдиришича, “имом жиҳодни ва жангариларни оқлаган, Ғарб жамиятларини исломофоб сифатида кўрсатган, гомосексуаллар, яҳудийлар ва насронийларни ҳақиқий диндорларни Франциядан узоқлаштиришга ундаганликда айблаган”.

Бове масжидини бошқарадиган уюшма имом ишдан бўшатилганини маълум қилди. Масжидни вақтинча ёпиш жараёни бошланди, бу 10 кундан 6 ойгача давом этиши мумкин.

Октябрь ойида Аллон шаҳридаги масжид ҳам террорчиликни оқлаганлик айби билан ёпилган эди. Мамлакатнинг турли ҳудудларидаги бир қатор масжидлар радикаллашув гумони билан кузатувга олинган. 

Ички ишлар вазирлиги маълумотига кўра, Францияда 2623 та масжид ва намозхоналар мавжуд. Улардан 21 таси ёпилган, яна 6 таси бўйича яқин кунларда қарор қабул қилинади.

Франция ҳукумати мусулмонларнинг «республика қадриятлари»га амал қилишини истамоқда.