Франция чегара расмийлари ходимлар етишмаслиги сабабли поездлар сонининг кўпайишига қарши.
Американинг «Politico» телерадиокомпанияси хабарига кўра, Франция чегара полицияси ва бошқарма хизматлари Европада тезюрар темир йўл алоқаларини таъминловчи «Eurostar» поездлари сонининг кўпайишига қарши.
Яқинда Лондон ва Париж ўртасидаги кундалик поезд қатновини оширишни истаган «Eurostar» тезюрар поезд компаниясининг сўрови темир йўл иш ташлаши натижасида ходимларнинг етишмаслиги туфайли блокланди.
Компаниянинг фикрича, поездлар сонининг кўпайиши поездлар, аэропортлар ва Англиянинг Довер денгиз портидаги тирбандликни камайтириши мумкин.
Францияда шу ой бошида иш ҳақини ошириш талаби билан ўтказилган темир йўл иш ташлаши бутун мамлакат бўйлаб поездлар қатновида узилишларга олиб келди.
Англиядан Франция томон кетаётган фуқаролар Довер портида узун навбатга туришди. Уларнинг таъкидлашича, бу ҳолат Франция чегарасида чегарачиларнинг йўқлиги билан боғлиқ.
