Маблағлар тиббий, юридик ва психологик-ижтимоий ёрдам кўрсатишга йўналтирилади.
Еврокомиссия хабарига кўра, ЕИ Туркиядаги суриялик қочқинларга ёрдам кўрсатиш дастури доирасида 50 миллион евро миқдорида қўшимча маблағ ажратди.
Ёрдам Туркияда 1,5 миллиондан ортиқ одамни қамраб олган Ижтимоий Бирлашишга Ёрдам Дастурининг (SUY) бир қисмидир. Дастур орқали сурияликлар ижара, транспорт, озиқ-овқат ва дори-дармонларга тўлашлари мумкин.
«Янги 50 миллион евролик ёрдам Европа Комиссияси томонидан 2021 йил июнь ойида эълон қилинган 3 миллиард евролик пакетнинг бир қисми бўлиб, Туркиядаги қочқинларни 2024 йилгача қўллаб-қувватлашга қаратилган. Бу 50 миллион евро, шунингдек, 2021 йил декабрь ойида SUY доирасида ажратилган 325 миллион евро гуманитар ёрдамга қўшимча ҳисобланади. Умуман олганда, 2021 йилдан бери Туркияга ажратилган ёрдам миқдори қарийб 3,34 миллиард еврони ташкил қилмоқда», — дейилади хабарда.
