Эроннинг Машҳад вилояти Тойинобод шаҳридаги масжид деворида Мирзо Улуғбек ва Алишер Навоий битиклари аниқланди.
Туризм ва маданий мерос вазирлиги хабарига кўра, Маданий мерос агентлиги вакиллари масжид деворларини кўздан кечириш жараёнида Мирзо Улуғбек ва Алишер Навоий битикларини кашф этишди.
Эроннинг шимоли-ғарбида Темурийлар даврининг кўплаб маданий мерос обидалари бор. Амир Темур Эронга ташрифи давомида Машҳад вилояти Тойинобод шаҳрида шайх Абу Бакр Зайн-ул Обиддин Тоййибиний билан учрашган ва у билан дўстлашиб қолган. Узоқ йиллар давомида у билан ёзишиб турган. Дўстлик ҳурмати Амир Темурнинг ўғли Шоҳрух Мирзо Тойинобод шаҳрида ажойиб масжид қурдиради.
Хабарга кўра, ҳозирда улуғ алломаларимиз битикларини илмий жиҳатдан ўрганишга доир ишлар олиб борилмоқда.
