Эронда поезднинг рельсдан чиқиб кетиши оқибатида камида 17 киши ҳалок бўлган.

ISNA агентлиги маълумотларига кўра, Тебес шаҳридан Яздга кетаётган 420 йўловчиси бўлган поезд Тебес шаҳри яқинида рельсдан чиқиб кетган.

Дастлабки маълумотларга кўра, 17 киши ҳалок бўлган, 30 нафар йўловчи жароҳатланган. Беш нафар йўловчининг аҳволи оғир деб баҳоланган.

Воқеа жойига 12 та тез тиббий ёрдам машинаси ҳамда 3 та тез ёрдам вертолёти йўналтирилган.

Қидирув-қутқарув операцияси давом этмоқда.