Эрон ички ишлар вазирлиги ўқувчи қизларнинг заҳарланиши бўйича гумонланувчиларнинг бир қисми қўлга олинганини эълон қилди. Бошқарма бошлиғи ўринбосари Мажид Мираҳмадийнинг сўзларига кўра, тергов жараёнлари натижасида мамлакатнинг беш вилоятида бир неча киши қўлга олинган. Расмий маълумотларга кўра, мамлакатнинг аксарият ҳудудларидаги 52 та қизлар мактабидан заҳарланиш ҳолатлари аниқланган.
Аввалроқ Эрон етакчиси Али Ҳоманаий жиноятчиларни авф этиш ҳуқуқисиз ўлимга ҳукм қилиш кераклигини айтган. Катта норозилик намойишларидан сўнг у Ислом Республикасининг баъзи душманлари фитна уюштираётганини айтиб, фуқароларни тинчланишга чақирди.
