Эрон Ташқи ишлар вазирлиги Пекиннинг Эрон ва Саудия Арабистони ўртасидаги дипломатик муносабатларни тиклашдаги воситачилик ролини қайд этди. Эрон Ташқи ишлар вазирлиги шунингдек Ироқ ва Ўмонга музокаралардаги роли учун миннатдор.
«Хитой воситачилигида Эрон ва Саудия Арабистони ўртасида имзоланган келишув, шунингдек, президент Иброҳим Раисий маъмурияти томонидан мувозанатли ташқи сиёсат доктринаси, фаол дипломатия ва яхши қўшничилик сиёсатини юритиш бўйича олға қадамлар қўйилганини кўрсатади», — дея ИРНА ахборот агентлиги Эрон Ташқи ишлар вазирлиги сўзларидан иқтибос келтирган.
Теҳроннинг таъкидлашича, Риёз билан муносабатларнинг тикланиши Эрон ҳукумати «Эрон халқи, мусулмон, дўст ва қўшни давлатлар манфаатларини ҳимоя қилишга қатъий қарор қилганини» кўрсатди.
