Эрон футбол терма жамоаси тарихидаги энг яхши тўпурар Али Дайи Эронда бир ярим ойдан ортиқ давом этаётган намойишларни қўллаб-қувватлагани учун ҳибсга олингани ҳақида Spiegel хабар бермоқда.
Қайд этилишича, Дайи ва эронлик собиқ дарвозабон Ҳамид Лак ўтган ҳафта Секкез шаҳрида қўлга олинган. Собиқ футболчилар 16 сентябрь куни полиция томонидан ҳибсга олинганидан сўнг вафот этган 22 ёшли Маҳса Аминий хотирасига бағишланган митингда иштирок этишни режалаштиришган.
Ҳозирча спортчиларнинг ҳибсга олингани ҳақида расмий тасдиқлов йўқ, бироқ нашрга кўра, Дайи бир неча кундан бери Инстаграмда ҳеч қандай хабар эълон қилмаган фаолияти тақиқланган.
Октябрь ойи бошида 53 ёшли Дайи Истанбулдан Эронга қайтганидан сўнг унинг паспорти олиб қўйилгани ва мамлакатдан чиқиши тақиқлангани хабар қилинган эди.
Дайи яқин вақтгача дунё терма жамоалари орасида энг яхши тўпурар эди. Унинг ҳисобида 149 та ўйинда 109 та гол бор. 2021 йилда бу рекордни португалиялик ҳужумчи Криштиану Роналду янгилаган эди.
