Эрон ҳукумати ўтган йилнинг кузида “нотўғри ҳижоб ўрагани” учун полиция томонидан ҳибсга олинган 22 ёшли Маҳса Аминийнинг ўлими юзасидан уюштирилган намойишларда қатнашган 22 минг кишини афв этди. Эрон Олий суди раиси Ғулом Ҳусайн Муҳсиний Ижаийнинг сўзларига кўра, амнистия Эронда ислом инқилоби ғалабасининг 44 йиллигига бағишланади, бунга Ислом Республикаси олий раҳбари Оятуллоҳ Али Ҳуманаий рози бўлган.
Аниқлик киритилишича, амнистия илгари судланганларга ҳам, суд қарорини кутаётганларга ҳам тегишли. Умуман олганда, амнистия турли жиноятларда айбланган 82 мингдан ортиқ Эрон фуқароларига тегишли. "Коммерсант" нашрининг Iran International'га таяниб хабар беришича, намойишлар сабабли 19 мингга яқин одам ҳибсга олинган, улардан бир неча юз нафари ўлимга ҳукм қилинган. Бир нечта ўлим ҳукмлари аллақачон амалга оширилган. Эрон 22 минг намойишчини афв этди.
