Президент Шавкат Мирзиёев томонидан имзоланган қонун билан Фуқаролик кодексига қўшимча киритилди.
Унга кўра, терговга қадар текширув, суриштирув, дастлабки тергов, прокуратура органлари ва суд томонидан шахсга нисбатан ҳар қандай қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш натижасида етказилган зарар давлат томонидан тўла ҳажмда қоплаб берилади.
Аввалроқ ҳуқуқ фаоли қамоқхоналардаги қийноқларнинг асосий сабабларини айтгани маълум қилинганди. Шунингдек, Андижонда фуқаронинг қийноқ натижасида вафот этиши ортидан 29 киши жавобгарликка тортилгани ҳақида хабар берилганди.
