Бугун, 27 март куни Олий таълим, фан ва инновациялар вазирлигида Таълим-фан жамоатчилик кенгашининг биринчи йиғилиши бошланди. Унда олий, ўрта-махсус ва профессионал таълим ҳамда илм-фанга оид ислоҳотларга бефарқ бўлмаган ташаббускор фуқаролардан таркиб топган Кенгаш аъзолари ва ишчи гуруҳ, шу билан бирга жамоатчилик кенгаши аъзолари иштирок этмоқда. Олий таълим ва Инновацион ривожланиш вазирлиги бирлаштирилганидан буён, илк бор ушбу кенгаш "Халқ давлат идораларига эмас, балки давлат органлари халқимизга хизмат қилиши керак" тамойили асосида ўтказилмоқда. Бу билан ташкилотнинг фаолияти халқчиллик ҳамда шаффофлик тамойиллари асосида йўлга қўйилиши лозимлиги қайд этилмоқда.
Маълумот учун, Таълим-фан жамоатчилик кенгаши олдига қуйидаги вазифалар қўйилган:
- Олий таълим, ўрта-махсус ва профессионал таълим ташкилотлари фаолиятини ўрганиш ва натижаларини таҳлил қилиш;
- Мавжуд муаммо ва камчиликларни бартараф этишга қаратилган таклифлар ишлаб чиқиш ва унга жамоатчилик ва соҳа мутахасисларини жалб қилиш;
- Вазирликнинг Жамоатчилик кенгашига маълумотларни тақдим этиб бориш ва кенгашда қабул қилинаётган ҳужжатлар ва дастурларда жамоатчилик фикрини ҳисобга олиш, қонун ҳужжатлари талаблари ижросини таъминлаш, давлат органи зиммасига юкланган вазифаларни бажариши устидан жамоатчилик назоратини ўрнатиш;
Таълим-фан кенгашининг таркиби қуймидагича:
Кенгаш - ишчи гуруҳлари билан муаммо ва камчиликлар, соҳадаги аҳолини қийнаётган жараёнларни ўрганиб, таклифлар тайёрлайди.
Жамоатчилик кенгаши - Таълим-фан кенгаши томонидан ишлаб чиқилган таклифларни кўриб чиқади, кенгаш аъзолари билан муҳокама қилади ва асосланган масалаларни вазирликка топшириқ сифатида киритади.
Вазирлик - Таълим кенгаши таклифлари асосида шакллантирилган Жамоатчилик кенгаши топшириқларини ижро сифатида қабул қилиб, зарур чоралар кўради.
