Халқ таълими вазирлиги кўпчилик ота-оналарни ўйлантираётган ушбу саволга жавоб берди.
“Таълим тўғрисида”ги қонуннинг 9-моддасига асосан, умумий ўрта таълим ташкилотларининг 1-синфига болалар улар етти ёшга тўладиган йилда қабул қилинади.
Хабарга кўра, келгуси 2022/2023 ўқув йилида 1-синфга чиқадиган болалар 2022 йилнинг 31 декабрига қадар 7 ёшга тўладиган бўлиши, яъни 2015 йилнинг 31 декабрь кунига қадар туғилган бўлишлари лозим.
Эслатма, мактабгача таълим ташкилотларида олти ёшдан етти ёшгача бўлган болаларни бошланғич таълимга бир йиллик мажбурий тайёрлов курслари ташкил этилади.
