Буюк Британия Олий суди Шотландия мустақиллиги бўйича янги референдум ўтказишни рад этди. Бу ҳақда Рейтер агентлиги хабар бермоқда.
Қайд этилишича, Буюк Британия Олий суди қарорига кўра, Шотландия ҳукумати Британия парламенти рухсатисиз келаси йили иккинчи марта мустақиллик референдумини ўтказа олмайди.
Аввалроқ Шотландия ҳукумати агар минтақа Буюк Британиядан мустақилликка эриша олса, фунт стерлингдан воз кечишни режалаштираётгани хабар қилинганди.
Шотландияда улар Буюк Британиядан ажралиб чиқиш истаги ҳақида биринчи марта гапираётгани йўқ. Минтақанинг мустақиллиги бўйича биринчи референдум 2014 йилда бўлиб ўтган, аммо ўша пайтда аҳолининг аксарияти Буюк Британиядан ажралиб чиқишга қарши эди. Шу билан бирга, маҳаллий ҳокимият вакилларига кўра, 8 йилдан сўнг шотландларнинг фикри жиддий ўзгарган.
