Башар Асад  Туркия кучларига қарши халқ томонидан қаршилик бўлса,  Сурия армиясининг турк қисмларининг тўғридан-тўғри тўқнашувини инкор этмади.

“Сурия армияси қисмлари жойлашган ҳудудларда дастлабки босқичда халқ қаршилиги кузатилса ҳамда ҳарбий тўқнашувга имкон берувчи вазият юзага келса, биз буни амалга оширамиз. Икки ярим йил олдин бизнинг аскарлар Туркия кучлари билан тўқнаш келган ва ўшанда уларнинг бир қанча марраларини йўқ қилгандик. Ҳарбий имкониятларга қараб, бу вазият такрорланиши мумкин”, – деган Сурия президенти RT Arabic каналига берган интервьюсида.

Аввалроқ Туркия президенти Ражаб Тоййиб Эрдоған мамлакат қуролли кучлари Сурия билан чегарада антитеррор ҳарбий амалиёти ўтказишини ҳамда тез орада бу бўйича қарор қабул қилинишини айтганди. ОАВ маълумотларига кўра, ҳарбий операция Суриянинг 4 вилоятида амалга оширилади. У шу ҳафтада бошланиши кутилмоқда.