Ўзбекистон президентлигига номзод Шавкат Мирзиёев андижонлик сайловчилар билан учрашувда мамлакатда диний эркинликка қаратилаётган эътибор ҳақида гапирди.
Шавкат Мирзиёев бундан бир неча йиллар илгари кўчаларда эркин юриб бўлмаганини, Азон овози эшитилмаганини айтиб, ҳозирги кунда эркин юриш, қўрқув йўқ бўлганининг ўзи муваффақият эканини таъкидлади.
“Бу ерда ўтирган ҳар бир одам, менинг саволимга жавоб беринг кўчадаги эмин-эркин юришимиз, қўрқув йўқ бўлганининг ўзи катта муваффақият эмасми? Азон овозини эшитиб шу кунларга келганимизга йиг‘лагим келади. Бунинг ўзи қачон бизда бор эди. Мусулмон давлат, Бухорийлар юрти деймиз. Йўқ эди-ку, мумкин эмасди-ку”, — дейди Шавкат Мирзиёев.
