Aвстралия Сенатига сайланган биринчи мусулмон аёл Фотима Пейман, мамлакатда ҳижобга муносабатни ижобий томонга ўзгартиришни истайди. 27 ёшли австралиялик мусулмон аёл, душанба куни ғарбий Aвстралиянинг янги ишчи партияси сенатори томонидан тасдиқланган. У ҳижобда эканидан фахрланишини айтган.

"Мен ҳижобга нисбатан қарашларни одатий ҳолга келтирмоқчиман", дейди Пейман Guardian Australia нашрига берган интервьюсида.

Фотима Пейман бу йўлни босиб ўтганига ва мақсадга эришишга муваффақ бўлганига ҳали ҳам ишонолмайди.

У Aфғонистондан оиласи билан Австралияга кўчиб келганида беш ёшда эди. Унинг бобоси ҳам Aфғонистон парламентининг аъзоси бўлган. 

Пайманнинг айтишича, унинг отаси Абдул Вакил ҳам қачондир Aфғонистонга – Ватан парламентига сайланиш учун қайтиб боришига умид билан яшаган.

"Отам ҳеч қачон менинг Aвстралия Сенатига номзод бўлишим мумкинлиги ҳақида ўйламаган", дейди Фотима.