Башар Асад режими Исроилни Сурия шимолидаги Ҳалаб аэропортига ҳаво ҳужумларида айблади.
Асад назоратидаги SANA ахборот агентлигининг хабар беришича, Исроил ҳаво кучлари маҳаллий вақт билан соат 03:55да Ҳалаб аэропортига ҳужум уюштирган.
Агентлик маълумотларига кўра, бинога зарар етган.
Аввалроқ 7 март куни Асад режими Исроил ҳаво кучлари аэропортга зарба бергани ҳақида хабар берган эди.
Ҳалабда Асад ҳарбийлари билан бир қаторда эронпараст шиа террорчи гуруҳлар ва Ҳизбуллоҳ жангарилари фаолият кўрсатмоқда.
Исроил томони ҳозирча воқеа юзасидан изоҳ бермади.
Суриядаги қуролли можаро 2011 йилдан бери давом этади. Исроил ҳаво кучлари вақти-вақти билан эронпараст шиа гуруҳлар ва Асад армияси позицияларига зарбалар бериб туради.
