Жума куни Калифорния штатидаги Трейси шаҳрида америкалик полициячи томонидан икки марта ўқ узилган мусулмон ўсмир касалхонага ётқизилди.

17 ёшли йигит пичоқ билан қуролланган ва бошқа одамни таъқиб қилгани иддао қилинган.

Трейси полиция бўлимига «икки эркак ўртасида шубҳали вазият кузатилган» ҳақида қўнғироқ қилишаганидан сўнг, воқеа жойига зобит жўнатилган.

Полиция департаменти пресс-релизида айтилишича, бола зобитнинг «тўхта, пичоқни ташла» деган буйруғига бўйсунмагани туфайли отиб ташланган.

«Ҳодиса жойидан катта пичоқ топилди», — дейилади хабарда.

Исми ошкор этилмаган жабрланувчи вояга етмаган бўлиб, аҳволи барқарор, бироқ оғир жароҳат олган. 

Воқеа тафсилотлари тергов якунланганидан кейин эълон қилинади.

Tracy Mountain Review нашрига кўра, болани ўққа тутган зобит C.Рамирес эканлиги аниқланган. 

АҚШ полициячиларининг фуқароларга нисбатан қурол ишлатиши бўйича охирги воқеа йўл ҳаракати тўхташ вақтида полиция билан тўқнашиб кетган ҳайдовчи Тир Николснинг ўлдирилиши билан боғлиқ. 

Ундан сал олдин Мемфиснинг беш нафар ишдан бўшатилган полицияси қотилликда ва бошқа жиноятларда айбланган эди.

Жума куни кўплаб шаҳарларда намойишларга сабаб бўлган воқеа акс этган видео эълон қилинган эди.