Миср Араб Республикасидаги Ал-Азҳар университетининг «Ал-Азҳар овози» газетаси Имом Бухорий халқаро илмий-тадқиқот маркази директори ўринбосари О.Муҳаммадиевнинг «Таъвилот ал-Қуръон» асари бўйича яна бир муҳим тадқиқот» номли мақоласини эълон қилди.

Имом Мотуридий қаламига мансуб «Таъвилот ал-Қуръон» асарининг Имом Бухорий халқаро илмий-тадқиқот маркази томонидан ўзбек тилига таржима қилиниши Мисрдаги йирик матбуот нашрларидан бирининг эътиборини тортган.

Маълумот учун: «Ал-Азҳар овози» газетаси ислом оламининг нуфузли нашрларидан бири бўлиб, унга Миср Араб Республикаси бош имоми, «Ал-Азҳар» диний мажмуаси раҳбари, доктор Шайх Аҳмад Муҳаммад Тоййиб ҳомийлик килади.

Мисрнинг собиқ бош имоми, марҳум Муҳаммад Саййид Тантовий томонидан асос солинган газета 1999 йилнинг октябрь ойидан буён нашр этиб келинмокда.