АҚШ раҳбарияти Исроил – Фаластин муаммосига ечим излаётган бир пайтда Ўмон ҳукумати Фаластинда элчихона очишини маълум қилди, дея хабар бермоқда “Евроньюс”. 

Ўмон Ташқи ишлар вазирлиги эълон қилган баёнотда айтилишича, султонлик Фаластин халқини биродарларча қўллаб-қувватлашнинг давоми сифатида у ерда элчихона даражасида янги дипломатик миссия очади. Бунинг учун Ўмон Ташқи ишлар вазирлигининг делегацияси Рамаллоҳга боради.

Ўмоннинг бу баёноти Баҳрайн пойтахти Манамада Фалаcтин иқтисодиётига ёрдам кўрсатиш мақсадида конференция ўтказилаётган пайтга тўғри келди. Мазкур конференция АҚШ ташаббуси билан ташкил этилди. Уни Саудия Арабистони қўллаб-қувватлаётган бўлса-да, Фаластин ва аксар араб давлатлари қарши чиқди. АҚШнинг режасига кўра, Фаластин иқтисодиётига 10 йил давомида 50 миллиард доллар жалб этилади.