Ўмон ҳукумати Қурбон ҳайити кунларида тўлиқ локдаун жорий этишга қарор қилди. Уч кун давомида ҳар қандай савдо фаолияти, шунингдек, ҳаракатланиш тақиқланади.

Бундан ташқари, 16-31 июль кунлари соат 17:00 дан 04:00 гача савдо фаолияти ҳамда одамлар ва транспорт ҳаракатига чеклов амал қилади. Коронавирусга чалиниш ҳолатлари камлиги сабабли чекловлар Мусандам яриморолида қўлланмайди. Шундай бўлса-да, Мусандамда яшовчиларга профилактика чораларига қатъий амал қилиш, жумладан, ниқоб тақиш ва ижтимоий масофани сақлаш тавсия этилмоқда. Коронавирусга қарши эмланган сайёҳлар 9 июлдан эътиборан Мусандамга келиши мумкин.

Мазкур чекловлар бўйича Ички ишлар вазирлиги ҳузуридаги Олий қўмита қарори коронавирусга чалиниш ва бу инфекциядан ўлим ҳолатлари ортгани туфайли қабул қилинди. 

Қўмита Қурбон ҳайити намозини ўқишни ва барча оммавий тадбирларни тақиқлади.