Tashkent City ҳудудидаги «Орифжон» жомеъ масжиди биноси реконструкция қилишга тайёрланмоқда. Сити дирекциясининг хабар беришича, бу борада дастлабки режа ишлаб чиқилган бўлиб, кейинчалик Ўзбекистон Фанлар академиясининг архитекторлари ва реставраторлари жараённи кузатиб боради.

Қайд этишларича, тегишли мутахассислар 1915-1916 йилларда қурилган «Орифжон» жомеъ масжиди ташқи ва ички қиёфасидаги ҳар бир детални ўрганиб чиққан ва бинонинг интеръери, томи ва гумбазларини яхлитлаш ва тиклаш зарурлиги ҳақида хулоса чиқарган.

«Реставрация иши ХХ аср бошидаги меъморчиликнинг барча хусусиятларини ҳисобга оладиган бўлса, консепцияга кўра, масжид биноси халқаро ишбилармонлик марказининг умумий кўринишига мос бўлиши керак», – дейилади хабарда. Айни пайтда олимлар иш лойиҳаларини тайёрламоқда.

Манба: Daryo.uz