Туркия Мудофаа вазирлиги шанба куни маълум қилишича, Суриянинг шимолида уларнинг зирҳли транспортёрига қилинган ҳужумда икки турк аскари ҳалок бўлган ва икки нафари яраланган. Вазирликнинг айтишича, Туркия қўшинлари зудлик билан жавоб қайтарган.
"Террористларнинг позицияларига қарата аёвсиз ўт очишларимиз давом этмоқда", дейилади твиттерда жойлаштирилган баёнотда.
Унда айтилишича, ҳужум 2016 йилда ИШИД ва Сурия курдлари қуролли кучларидан ҳимоя сифатида Туркия "Фрот қалқони" трансчегаравий операциясини бошлаган минтақада содир бўлган. ОАВ хабарларига кўра, ҳужум ал-Боб ҳудудида содир бўлган. Анқара Сурия Демократик кучларининг таянчи бўлган YPG гуруҳини Туркия ичидаги курд бўлгинчилари, Курдистон Ишчилар партияси билан боғланган "террорчи" гуруҳ деб билади.
Курд Ишчи партияси АҚШ ва Европа Иттифоқи томонидан "террористик гуруҳ" деб эълон қилинган. Истанбулдан хабар берган “Ал-Жазира” мухбири Расул Сердарнинг айтишича, турк қўшинлари ушбу ҳудуддаги ҳарбий нуқталардан "YPG позицияларига зарба беришган".
