Швециянинг Мальмё шаҳрида Пасха байрамида Даниянинг ўта ўнгчи “Stram Kurs” партияси раҳбари Расмус Палудан Қуръони карим китобини ёқиб юборгани ҳақида хабар берган эдик. Онадўли ахборот агентлигининг хабар беришича, Палуданга нисбатан жиноят иши қўзғатилди.
Мальмё полиция бошқармаси томонидан берилган аризада Палудан “жамоатчиликнинг нафрат ва ғазаб қўзғатиш жиноятини содир этгани учун” жазоланиши талаб этилмоқда.
Мальмё тумани полицияси бошлиғи Жимми Аркенхайм 2020 йилда ҳам худди шу модда билан Палуданга нисбатан жиноий иш қўзғатилганини ва ўша пайтда прокурор ишни судга ошириш зарурати йўқ, деб қайтарганини эслатди. Аркенҳайм бу сафар жиноят ишининг бирор баҳона билан ёпилмаслигига ва судга етиб боришига ишонч билдирди.
Дания ва Швеция фуқаролигига эга бўлган Палудан 2017 йилдан бери Даниянинг турли шаҳарларида Қуръони каримни ёқиши туфайли мусулмонларнинг ғазабини қўзғатган эди.
Аввал хабар берганимиздек, Швеция давлат телевидениеси SVT’нинг мухбири Расмус Палудан томонидан Қуръони карим китобини ёқиб юбориш провокациясини танқид қилгани учун ишдан бўшатилганди.
