Ижтимой тармоқларда  “Тошкент вилояти Хумсонда жойлашган дўкондаги ҳолат” сарлавҳаси остида дўконда спиртли ичимликлар билан бир қаторга қўйилган Муқаддас Қуръон оятлари туширилган портретлар акс этган суратлар тарқалди. Ушбу ҳолат юзасидан Тошкент вилояти Ички ишлар бош бошқармаси матбуот котиби изоҳ берди.  

Қайд этилишича, ҳудудий профилактика инспектори томонидан дўкон масъуллари билан профилактик суҳбат ўтказилган.

Ўтказилган профилактик суҳбатдан сўнг,  ушбу дўкондаги спиртли ичимликлар билан бир қаторга қўйилган Муқаддас Қуръон оятлари туширилган портретлар олиб ташланган.