Блоггер Расул Тавдиряков ўз фейсбук саҳифасида Қозон шаҳрининг 173-мактабида раҳбарият ва танаффус пайтида намоз ўқиган ўқувчиларнинг ота-оналари ўртасидаги зиддиятлар барҳам топгани ҳақида хабар берган.
Ўқув ишлари мудири ва бир ота орасида юзага келган зиддиятда намозга қарши ҳаракатларни тасвирга олишга уринган эркакнинг қўлидан мактаб раҳбари телефонни тортиб олган. Ота-оналар мактаб маъмуриятининг ўқувчиларга мактаб биноси ва қўшни масжидда намоз ўқишини ҳам таъқиқлашгани ҳолда болаларнинг тамаки чекиши ва мунтазам дарсга келмасликларига қарши ҳеч қандай чора кўрмасликларига эътибор қаратишган.
Умумий мажлисда икки томон муросага келишган. Блогернинг сўзларига қараганда, раҳбарият ўқувчиларнинг намоз ўқишларига рухсат берган.
Адвокат Руслан Нагиев вазиятга баҳо берар экан “Мактаб нафақат намозга рухсат бериши, балки жой ва хавфсизлик билан ҳам таъминлаши керак” деб таъкидлайди. Маслаҳатчи бу дарс вақтида бўлмаслиги кераклигини қўшимча қилган.
