Давоси йўқ дард

Абу Али ибн Синодан сўрадилар:

— Дунёда давоси бўлмаган бирон дард борми?

— Яхшининг ёмонга муҳтож бўлиши — давосиз дарддир.

Коинот ҳокими ким?

«Инсон коинотга ҳоким бир борлиқдир» деган фалсафа муаллимига шогирдларидан бири шундай дебди:

«Ўз қон босимига ҳоким бўлолмаган инсон коинотга қандай ҳоким бўла олиши мумкин?»

Унинг бўлмаган ери борми?

Ўтган замонларда материалист бир муаллим ўқувчиларга шундай дебди:

— Аллоҳ қаерда? Қани у? Агар билсангиз мен сизларга битта апелсин бераман.

Ўқувчилардан бири дебди:

— Устоз, сиз менга Аллоҳ бўлмаган бирон ерни кўрсатинг, мен сизга апелсин боғини бераман.

Менга олма бера қолинг

Даҳрий бир муаллим чўнтагига қандларни тўлдирибди-да, дарсга кириб, кичик ўқувчиларга шундай дебди:

— Болалар, агар Аллоҳ бор бўлса, агар ҳозир сизлар ундан қанд сўрасангиз берадими? Аммо мен, бор бўлганим учун сизларга қанд бераман, ҳам дарҳол бераман. Кимга қанд?

Синфнинг энг аълочи боласи ўрнидан турибди-да, муаллимга шундай дебди:

— Устоз, ҳозир томоғим оғриб турибди-да, ундан кўра битта олма берақолинг.

Манба