Британия ҳукумати деярли ярим аср ўтгач, 1974 йилдаги бузилган шартнома бўйича Эронга 535 миллион доллар қарзини тўлашга тайёрлигини билдирди, деб хабар беради “Блумберг”.
Шартнома шартларига кўра, 1979 йилда Британиянинг International Military Services концерни зирҳли техника етказиб бериши керак эди, бироқ Эрондаги инқилоб фонида шартнома бажарилмади.
Эрон Ташқи ишлар вазирлигининг маълум қилишича, ўнлаб йил ўтгандан кейин томонлар қарз бўйича келишувга эришди. Ташқи ишлар вазири ўринбосари Али Багери Кяни тўлов усули ва жараёни борасида ҳам ҳам музокаралар давом этаётганини айтди.
Ўн йилча олдин БМТ халқаро суди Лондондан мингдан ортиқ танк етказиб беришни назарда тутган шартномани бузгани учун Теҳронга компенсация тўлашини талаб қилган эди.
