Бир улуғ кишига бир одам шикоят қилиб:  «Фалончи одам риё билан зикр қилади», деди. У киши эса: «Сен риё билан бўлса ҳам зикр қилмаяпсанку. Унинг риёли зикри ҳам қиёматда милтираб турган чироқ бўлиб йўл кўрсатади», деди.  Ҳазрат айтдиларки, у одамнинг амалида риё билан бирга ихлос ҳам аралашгани шайхга маълум бўлса керак.  

Чунки холис риё учун бўлган амалда ҳеч қандай нур бўлмайди. Кейин яна айтдиларки,  менинг маслахатим шуки, бирор ишни қилишда қалбингизга риё бўлиш  эҳтимоли келса ҳам, ҳаргиз амални тарк қилманг. Балки нима бўлса ҳам бу яхши амални қилавераман, кейин истиғфор айтиб оламан деб ирода қилинг. (Риёни шундай муолажа қилинади).

“Мажолиси Ҳакиймул умма” Китобидан

Ёрқинжон қори таржимаси