Президент Шавкат Мирзиёевнинг тегишли қарорига кўра, 2022 йил 1 майга қадар «Ижтимоий хизмат» электрон платформаси ишга туширилиши белгиланди.

Ушбу платформа тиббий-ижтимоий хизматлар соҳасида ахборот-коммуникацион технологиялар асосида хизмат кўрсатиш бўйича махсус электрон дастурий таъминот ҳисобланади;. Шунингдек:

• протез-ортопедия мосламалари ва реабилитация қилиш техник воситаларига муҳтож бўлган шахсларнинг шаффоф электрон навбат тизими таъминланади;
• ногиронлиги бўлган шахсларга ижтимоий хизматларни кўрсатиш, уларни протез-ортопедия мосламалари ва реабилитация қилишнинг техник воситалари билан таъминлаш учун хизмат қилади;
• протез-ортопедия мосламалари ва реабилитация қилишнинг техник воситаларининг яроқлилик муддатини назорат қилиш, уларга кутилаётган эҳтиёжни аниқлаш, мазкур мосламалар ва воситалар билан ўз вақтида таъминлашни амалга ошириш учун барвақт зарур захира яратиш имкони беради;
• ногиронлиги бўлган шахс ёки унинг вакили томонидан тиббий-ижтимоий хизматлар бўйича тезкор мурожаат қилиш каби масалаларни ўз ичига олади.