Гаагадаги Халқаро судда Мьянмадаги мусулмон роҳинжаларнинг қирғини билан боғлиқ иш кўриб чиқиляпти. 

Мьянма расмийлари 2017 йилдаги ҳарбий даврида геноцид амалга оширганликда айбланмоқда. Бироқ суд иши Мьянмада ўтган йилги ҳарбий тўнтаришдан кейин у ердаги қонуний ҳукумат ким эканлиги ҳақидаги баҳсга айланиб кетди.

Мьянмага инсон ҳуқуқларини кенг миқёсда бузиш, жумладан, қотилликлар, гуруҳ бўйлаб зўрлаш, ўт қўйиш ва чақалоқларни ўлдириш сингари айбловлар қўйиляпти.

БМТ Инсон ҳуқуқлари қўмитаси миссияси Мьянмадаги вазиятни ўргангач, ҳисобот эълон қилди. Унда айтилишича, мамлакат ҳукумати ва қуролли кучларининг роҳинжа халқига қарши ҳаракатларида геноцид аломатлари бор. Ҳужжат муаллифлари ҳудудда ўн минг киши қирғин қурбонига айланганини айтмоқда. Қочқинлар сони 700 минг кишини ташкил этган. 

Маълум бўлишича, Мьянма аскарлари аёлларни шафқатсизларча зўрлаган, эркакларни қийноққа солган. Эркаклар ҳам жинсий зўравонликка дучор бўлган.