Юртимиз мустақиллигининг 30 йиллиги муносабати билан "ВАҚФ" ҳайрия жамоат фонди томонидан мамлакатимиз бўйлаб бир қатор имомларга пул маблағлари ва озиқ-овқат маҳсулотлари тақдим қилинди. Бу ҳақда фонднинг расмий сайтида маълум қилинди.

Хабарда айтилишича, ҳар бир вилоятдан 30 нафар, жами 420 нафар  моддий кўмакка эҳтиёжи бор диний соҳа ходимлари - имом хатиб ва ноиб имомларнинг ҳар бирига 1 000 000 сўмдан жами 420 000 000 сўм пул ва озиқ-овқат маҳсулотлари хайрия қилинган.