Германиянинг имом-хатиблар учун давлат ўқув марказини яратиш режаси, бу фақат диний жамоалар ўз раҳбарларини ўқитиш ҳуқуқига эга деган тамойилга зид деб ҳисоблаган етакчи турк гуруҳлари томонидан танқид қилинди, деб ёзади Daily Sabah. Газетанинг ёзишича, Германия ҳукумати чет элдан келадиган мусулмон имомлар сонини камайтириш ташаббуси билан чиққан.

Мамлакатдаги етакчи турк-мусулмон гуруҳлари, шу жумладан Диний ишлар бўйича Турк Ислом Бирлиги (ДИТИБ) ва Миллий Кўриш Германиянинг Ислом коллежини яратишда қатнашмасликка қарор қилишган ва ўтган йили ДИТИБ Германияда ўз ўқув дастурини ишга туширган эди.
Германиянинг биринчи ислом коллежи май ойида имомлар тайёрлашни бошлади. Таълим немис тилида олиб борилади ва имомларни қўллаб-қувватлайдиган мусулмон мамлакатларидан мустақилликка эришиш мақсадида қисман Германия ҳукумати томонидан молиялаштирилади.
Ҳукумат томонидан қўллаб-қувватланадиган Ислом коллежи дастурининг биринчи семестри 20 нафар эркак ва аёл талабаларга икки йиллик таълим беради, деб хабар берган Deutsche Welle.
Германияда 81 миллион киши яшайди ва Ғарбий Европада мусулмонлар сони бўйича Франциядан кейин иккинчи ўринда туради.
Сўнгги йилларда Германияда ирқчилик ва мусулмонларга қарши кураш кучайиб бормоқда, бу неонацист гуруҳлар ва "Германия учун алтернатива" ("АФД") ўта ўнг мухолифат партияси томонидан олиб борилаётган ташвиқотлардан келиб чиққан.