Мюнхен амалий фанлар университети Твиттерда маълум қилишича, раҳбарият ўқитувчилари онлайн имтиҳонлар пайтида фирибгарликда гумон қилиб рўмолларини ечишни сўраган талаба қизлардан узр сўради.
«Диний бош кийимларни оддий урфдаги кийимлар билан таққослаб бўлмайди ва уларга бошқача муносабатда бўлиш керак», деган университет раҳбарияти ва университет диний эркинликка риоя этилишини таъминлаш учун имтиҳон қатнашчилари кўрсатмаларига ўзгартиришлар киритишга ваъда берди.
Камситувчи ҳолатларни бошдан кечирган талабалардан бири ижтимоий тармоқ фойдаланувчиларига қўллаб-қувватлаганлари учун миннатдорчилик билдирган, бироқ раҳбариятни воқеага лоқайд муносабати учун танқид қилган.
Унинг таъкидлашича, мусулмон талабалар университет раҳбарияти тенг муносабатни таъминламагунча ва таҳқирлаш ва камситиш ҳолатларига чек қўймагунча саъй-ҳаракатларини давом эттирадилар.
«Биз адолатга эришмагунимизча тўхтамаймиз», деб ёзган у инстаграмдаги саҳифасида.
Германия конституцияси диний эътиқод эркинлигини кафолатлаган бўлсада, мусулмонлар, айниқса, ҳижобли аёллар таълим ва меҳнат соҳасида кўпинча камситиш ҳолатларига дуч келишади.
Сўнгги йилларда мамлакатда неонацист гуруҳлар ва ўта ўнгчи «Германия учун муқобил» (АдГ) партияси тарғиботи сабабли ирқчилик ва исломофобия авж олиб бормоқда.
