Германиянинг Кёльн шаҳридаги Марказий жоме масжиди олдида Муҳаммад алайҳиссалом таҳиқирлаб чизилган карикатураларнинг намойишига полиция рухсат бермади.
Deutsche Welle хабарига кўра, полиция мазкур тақиқни хавфсизликка таҳдид туғилиши мумкинлиги билан изоҳлаган. Полицияга кўра, таҳдид нафақат нафақат маҳаллий ва минтақавий, балки халқаро даражада ҳам ёйилиши эҳтимоли бор.
Исломофоб акцияни 20 август куни жума намози пайтида ўтказиш, унда бемаъни карикатураларни намойиш қилишдан ташқари франциялик ўқитувчи Самюэл Пати ва даниялик исломофоб карикатурачи Курт Вестергорни хотирлаш режалаштирилган эди.
Акцияни ўтказиш учун маҳаллий фуқаролардан бири 21 июль куни мурожаат қилган. Полиция у билан мулоқот ўтказиб, бундай тадбир тартибсизликларни келтириб чиқариши мумкин деган хулосага келди. Фуқаро полициянинг тақиқи устидан судга мурожаат қилиш ҳуқуқига эга.
