Буюк Британия мудофаа вазири бугун Толибон Афғонистонни назорат қилаётганини, Британия ва НАТО кучлари исёнчиларга қарши курашга қайтмаслигини тасдиқлади.

”Толибон мамлакатни назорат қилаётганини тан оламан”, деган Sky News нашрига мудофаа вазири Бен Уоллес. - Айтмоқчиманки, биз қаерда эканлигимизни аниқлаш учун сиёсатшунос бўлиш шарт эмас”.

Буюк Британия ва НАТО Афғонистонга қайтадими, деган саволга Уоллес: «Бу масала баҳс этилмайди ...биз қайтмаймиз», деб жавоб берган. Уоллеснинг айтишича, Кобул аэропортининг ҳарбий қисми хавфсиз ва Британия ўз фуқаролари ва Британия билан алоқаси бор афғонларни эвакуация қилиш учун ҳамма ишни қиляпти. Британия ўз элчихонасини шаҳардан Кобул аэропортига кўчирди. Британиянинг Кобулдаги собиқ элчихонаси устидан “Толибон” байроғи кўтарилганини кўрганингизда, ўзингизни қандай ҳис қиласиз, деган саволга Уоллес шундай жавоб берди: “Рамзий маънода, бу ҳеч кимга ёқмайдиган иш”.

Уоллеснинг айтишича, “Толибон”ни Афғонистон ҳукумати деб тан олиш тўғрисида қарор қабул қилиш вақти келмаган. “Менимча, бу қарорлар қабул қилинишидан олдин ҳали кўп ишлар қилиш керак”, деган у.